Eskimos var stofnað árið 1999.  Við byrjuðum sem ferða- og ævintýrafyrirtæki en fyrirtækið hefur þróast mikið í tímanna rás.   Það hefur ávallt verið okkar stefna að vera leiðandi í því sem við tökum okkur fyrir hendur og núna erum við alhliða ferða-, viðburða- og ævintýrafyrirtæki.  Við erum leiðandi í ævintýra- og óvissuferðum, skemmti- og keppnisleikjum sem og hópefli.

Við þjónustum íslensk fyrirtæki og stofnanir og hafa öll helstu fyrirtæki landsins verið í viðskiptum við okkur.  Við þjónustum einnig mikið  erlenda ferðamenn en að jafnaði fara í gegnum okkur nokkur þúsund ferðamenn á ári.  Við þjónustum þá á marga vegu. (sjá betur á ensku síðu Eskimos). Höfuðstöðvar fyrirtækisins eru í Skútuvogi 1b og fjórhjólafyrirtæki okkar, Safarihjól, er í Lambhaga við Ulfarsfell. 

Eskimos er framsækið fyrirtæki og starfsmenn okkar spila þar lykilhlutverk.  Markmið Eskimos er að hafa hæfa og áhugasama starfsmenn þar sem eldmóður og metnaður skiptir miklu máli.  Starfsmenn okkar verða að taka fulla ábyrgð á starfi sínu.  Útsjónarsemi, frumkvæði og frjósöm og skapandi hugsun skipta miklu máli í framþróun Eskimos.  

Starfsumhverfi  / Starfsánægja: Eskimos leggur áherslu á að skapa skemmtilegan og áhugaverðan vinnustað. Starfsumhverfi okkar einkennist af góðum starfsanda, jákvæðu viðhorfi og mjög fjölbreyttri vinnu. Enginn dagur er eins í vinnu hjá okkur. Hafi Eskimói ekki þá þekkingu sem til þarf, gerum við það sem í okkar valdi stendur til að kenna og þjálfa viðkomandi starfmann

Ráðningar: Hafir þú áhuga á að starfa hjá Eskimos, sýndu það frumkvæði að senda okkur starfsferil og eitthvað fleira um þig á starf@eskimos.is Upp á borð til okkar koma margs konar verkefni og oft vantar okkur gott fólk hvort sem um er að ræða í einstök verkefni´, tímabundna vinnu eða fasta vinnu. Sé laus staða (getur gerst með stuttum fyrirvara) og ef okkur hefur litist vel viðkomandi þá tölum við saman.